粤拼与其他粤语拼音方案对照表

本文列出粤拼与目前公共领域中常见嘅广拼、教院、耶鲁、刘锡祥呢四种粤语拼音方案嘅对比，帮助读者厘清佢哋嘅分别，方便更好噉学习同使用粤拼。

目前，喺公共领域嘅书籍、媒体等作品中，除咗粤拼之外，我哋仲可以见到其他几种唔同嘅粤语罗马化拼音方案。对于初学者嚟讲，喺遇到多种粤语拼音𠮶阵，好容易产生混淆与捞乱。本文将列出粤拼与目前公共领域中常见嘅广拼、教院、耶鲁、刘锡祥呢四种粤语拼音方案嘅对比，帮助读者厘清佢哋嘅分别，方便更好噉学习同使用粤拼。

上述呢五种，就系目前公共领域嘅书籍、媒体中最常见嘅粤语罗马化拼音方案。除此之外，历史上仲出现过黄锡凌方案、Meyer–Wempe 方案等几种其他嘅粤语拼音方案，但系喺当代，佢哋已几乎唔再使用，只局限出现于历史文献当中，一般初学者遇到佢哋嘅几率好低。因此，本文唔再将佢哋列举出嚟。

声母对照表

• 上表例字只取其声母。
• 广拼方案中，z、c、s 同 j、q、x 之间并无音值上嘅区别，佢哋只系接喺唔同韵腹前嘅变体。具体嚟讲，广拼中当韵腹系 i 或 ü 𠮶阵，用 j、q、x 拼；韵腹系其他元音𠮶阵，用 z、c、s 拼。

韵母对照表

• 上表例字只取其韵母。
• 带 * 号嘅为只在口语中出现嘅韵。其中：
  • 粤拼嘅 eu、em、en、ep、et 韵，喺广拼、教院、耶鲁、刘锡祥嘅原方案中无定义。广拼、教院、刘锡祥可以根据现有规则类推拼出呢五个韵，耶鲁可以根据现有规则类推拼出后四个韵，喺上表中用 () 表示。而 eu 呢个拼法喺耶鲁方案中已用嚟拼 [œː] 韵，故无法类推拼出粤拼嘅 eu 韵，喺上表中用 - 号表示。
  • 粤拼嘅 oet [œːt] 韵喺表示呕吐嘅拟声词「𠰲」等情况下使用，与 eot [ɵt] 韵对立。广拼、教院、耶鲁、刘锡祥嘅原方案中都无定义 oet 韵。前三种方案都将元音 [œ] 同 [ɵ] 视作同一音位，故无法类推拼出粤拼嘅 oet 韵，喺上表中用 - 号表示。而刘锡祥方案将元音 [ʊ~o] 同 [ɵ] 视作同一音位，元音 [œ] 独立一音位，故可以类推拼出粤拼嘅 oet 韵，喺上表中用 () 表示。

声调对照表

• 耶鲁拼音一般用声调符号嚟标调，并且喺阳声调嘅元音后边加 h。喺唔方便用声调符号𠮶阵，亦会使用数字标调。
• 粤语广州话嘅阴平调有 53 同 55 两种调值，又分别叫「上阴平」同「下阴平」。现代粤语中呢两种调值一般为自由变体，冇特别区分，所以粤拼、广拼、教院方案都用调号 1 代表阴平调；而耶鲁、刘锡祥就有区分呢两种调值。
• 对于三个入声调，教院方案可用 7、8、9 标，亦可用 1、3、6 标。